[Raj_Copi_Jin]

சு.வெங்கடேசன் எழுதிய காவல்கோட்டம் வெளிவந்த நேரத்தில்.......
அது ஒரு முக்கியமான இலக்கிய ஆக்கம், தமிழில் எழுதப்பட்ட வரலாற்றுநாவல்களில் சிறந்தது, அந்த வகைமை தமிழில் இல்லாததனால் அது பல்வேறு வடிவச்சிக்கல்கள் கொண்டதாக இருந்தாலும் தவிர்க்க முடியாதது என்றே சொல்கிறேன். அதை ஏன் சொல்கிறேன் என்றும், ஓரு வரலாற்று நாவலை வாசிக்கும் சாத்தியங்களைப்பற்றியும் பேசுகிறேன்

உங்களின் கூற்று ஒப்புக்கொள்ளக்கூடியதாக இருப்பினும். மேலோட்டமாகப்படிக்கும்போது ஒரு கோணமும், ஆழ்ந்து நோக்குகையில் ஒரு வடிவமும் தென்படுவதுபோன்ற ஒரு தோற்றப்பொலிவு கிடைத்தபோதிலும், கதையின் கரு செல்லும் இலக்கு, சராசரி வாசகனால் அனுமானிக்க முடியாத கருத்துச்செரிவை உள்ளடக்கிய தோற்றத்தைபெறும் வண்ணம் ஆங்காங்கே விரவிக்கிடப்பது ஒருபுறமிருந்தபோதிலும், ஆயிரம் பக்க நாவலை சிலமணி நேரத் திரைப்படமாக கொணர்வதில் உள்ள சாத்தியச்சிரமங்களையும், எதை எடுப்பது, எதை விடுவது என்பதினாலான கருத்துக்குழப்பத்தையும் தீர்க்கக்கூடிய ஒரு நடைமுறை தென்படின் அது சாலச்சிறந்ததே.

ஆனால் அப்படி ஒன்று கிடைக்காத பட்சத்தில் இதில் கைவைத்து சீண்டிவிடப்போய் எதிர்மறை விளைவுகள் நேர்ந்துவிடுமோ என்று இலக்கிய ஆர்வலர்கள் அச்சமுறுதல் இயற்கையே. இலக்கியவாதிகளின் நியாயமான அச்சத்தைப்போக்கும் தெளிவு படைப்பாளிகளின் கைவசம் உள்ளது என்று நிரூபிக்கவேண்டிய கட்டாயமும் அவர்கள் தலைமேல் சுமக்கவேண்டிய சுமையாக ஆகிப்போன அதே நேரம், நீண்ட எதிர்பார்ப்புடன் தேங்கிய முகத்துடன் அமர்ந்திருக்கும் திரை ரசிகனுக்கு இவர்கள் அளிக்கப்போகும் உத்தரவாதம் என்னவென்பதும் கேள்விக்குறியாக தொக்கிநிற்கிறது.