[doctorzlo]

நாணயம் படத்தை தமிழகம் முழுவதும் தானே ரிலீஸ் செய்திருக்கிறார் எஸ்.பி. பாலசுப்ரமணியம். ஆனால் இந்த படத்தை ரிலீஸ் செய்வதற்குள் கிரவுண்டை நாலு ரவுண்ட் சுற்றி வந்தது போலாகிவிட்டார் எஸ்.பி.பி. ஏன்?



குங்குமப்பூவும் கொஞ்சு புறாவும் படத்தைப் பெரும் விலைக்கு விற்றுவிட்டார் எஸ்.பி.பி சரண். வாங்கிய பலருக்கும் பெருத்த நஷ்டம். அதனால் இந்த படத்தை பார்த்துவிட்டுதான் வாங்குவோம் என்றார்களாம். எல்லா விநியோகஸ்தர்களுக்கும் படத்தை போட்டுக் காட்டினாராம் துணிச்சலாக. அங்குதான் பிரச்சனையே. விநியோகஸ்தர்கள் கை விரித்துவிட்டார்கள். அதன் பிறகுதான் இப்படி ஒரு முடிவுக்கு வந்தார்களாம் அப்பாவும் மகனும்.



படத்தின் கலெக்*ஷன் சுமார்தான். ஆனால் தமிழகத்தின் பிரபலங்கள் அனைவருக்கும் படத்தை போட்டுக் காண்பித்துக்கொண்டிருக்கிறார்கள். ஸ்டாலின், ரஜினி என்று பட்டியல் நீண்டுகொண்டே போகிறது. இந்த படத்தை அடுத்து வழக்கம் போலவே வெங்கட் பிரேம்ஜி குரூப்புடன் சேர்ந்து இன்னொரு படத்தை எடுத்து சங்கடத்தை சரிகட்டும் முடிவுக்கு வந்திருக்கிறார் சரண்.

http://thenaali.com/thenaali.aspx?A=1592