[softy54534]

நயன் இடத்தில் த்ரிஷாவா? ஆரம்பித்தது போட்டி

ஆரம்பித்துவிட்டது அழகுராணிகளின் போட்டி. லிங்குசாமி இயக்கும் படத்தில் நடிக்க விரும்புவதாக தூது அனுப்பியிருக்கிறாராம் த்ரிஷா. குருவி படத்தில் நயன்தாராவின் இடத்தை கைப்பற்றிய த்ரிஷா, லிங்குசாமி படத்திலிருந்து அவர் விலகிவிட்டார் என்பதை தெரிந்து கொண்டு சும்மா இருப்பாரா?

நேரடியாக லிங்குசாமிக்கே போன் செய்து, தேதிகளை அட்ஜஸ்ட் பண்ணி தருகிறேன். இந்த படத்தில் நடிக்க வாய்ப்பு கொடுங்க என்று கேட்டிருக்கிறாராம். மர்மயோகிக்காக கொடுத்திருந்த கால்ஷீட்டை அப்படியே தூக்கி தெலுங்கு படம் ஒன்றிற்கு வழங்கிவிட்ட த்ரிஷா, அதிலிருந்து குறிப்பிட்ட சில நாட்களை பிரித்து லிங்குசாமியின் பையாவுக்கு கொடுக்க முடிவு செய்திருக்கிறாராம்.

ஆனால், ஹீரோ, ஹீரோயின்களின் தேதி முழுமையாக கிடைத்தால்தான் பிரச்சனை இல்லாமல் படத்தை முடிக்க முடியும் என்று கருதிய லிங்குசாமி, தற்போது ப்ரீயாக இருக்கும் கதாநாயகிகளுக்கு வலை வீசுகிறாராம். த்ரிஷாவிடம் மொத்தமாக தேதி கிடைக்காது என்பதால் சற்றே யோசிக்கும் லிங்கு, தமன்னாவை ஒப்பந்தம் செய்வார் என்கிறார்கள். பார்ப்போம், இந்த அழகுராணிகளின் போட்டியில் வெற்றி பெறப்போவது தமன்னாவா? த்ரிஷாவா?
-வம்புராசா

http://www.tamilcinema.com/CINENEWS/...er/061208b.asp