[Peptobismol]

1997 இல் என் பெண் கல்யாணத்தின்போது விவாஹ மந்திரங்களின் பொருள் என்ற சிறு கையேடு ஒன்றை அச்சிட்டேன். விவாஹத்துக்கு வந்த பிராமணர்களுக்கெல்லாம் 400 பிரதிகள் நானே என் கைப்பட விநியோகித்தேன். ஸாஸ்திரிகள் உள்பட. மறுநாள் மண்டபத்தைக் காலி செய்யும் போது நாற்காலிகளின் கீழிருந்தும், ஜன்னல்கள், கதவு இடுக்குகளிலிருந்தும் கசங்கிய நிலையிலும் புத்தம் புதிதாகவும் கிடைத்த கையேடுகளின் எண்ணிக்கை 390. மீதிப் பத்துப் பேராவது படித்திருப்பார்கள் என்ற நம்பிக்கை தான் என்னை தளரவிடாமல் காப்பாற்றியது.

நண்பர் திரு விக்ரமன் அவர்களுக்கு வணக்கம் ,
இலவசமாக கிடைத்த நல்லதொரு பொருளின் அருமை தெரியாதது ஒரு துரதிருஷ்டமே .

கர்நாடக மாநிலத்தில் (பழைய மைசூர் பக்கம் ) ஓர் பழக்கம் நிலவுகிறது. விவாஹத்தின் போது சாஸ்த்ரிகள் வேத மந்திர சடங்குகளை ஆரம்பிப்பதற்கு முன் அந்த சடங்கின் முக்கியத்தையும் மந்திரங்களின் அர்த்தத்தையும் கன்னடத்தில் விளக்கிகூறுகிரார்கள். இது வைதீக முறையை பின்பற்றும் எல்லா வகுப்பினர்களுக்கும் மிகவும் உதவியாக இருக்கிறது. இப்பொழுது இந்த முறையை பின்பற்றுவதை தமிழ் நாட்டிலும் காண்கின்றேன் . நல்லதொரு முயற்சி.
நலம் கோரும்
ப்ரஹ்மண்யன்
பெங்களுரு