[BitStillrhile]

I've written some new poetry in praise of beloved prophet صلی اللّٰہ علیہ و آلہ وسلم

Hope you'll like it.


لوح بھی تو قلم بھی تو علم و کتاب تو
تاباں بہ افقِ رسالت آفتاب تو

یٰسیں بھی تو طٰحہٰ بھی تو بشیر و نذیر تو
آئینِ قرآنِ پاک کا سارا نصاب تو

نور بھی تو منیر بھی تو وہاج و سراج تو
شمسِ دین و ایمان کی آب و تاب تو

منزل بھی تو رہبر بھی تو سوال و جواب تو
اِیتاءِ منصبِ نبوت کا اول انتخاب تو

منبر بھی تو قبلہ بھی تو گنبد و مینار تو
روشن بہ جبینِ عبادت محراب تو

عقل بھی تو شعور بھی تو فہم و ادراک تو
ملکِ عدل و صدق کا افراسیاب تو

فکر بھی تو نظر بھی تو فلسفہ و خیال تو
ہستیِ تہذیبِ انسانی میں بپا انقلاب تو

شرف بھی تو مشرف بھی تو ہنر و مثال تو
نازِ عروج و کمال کا عالی جناب تو

عَلَم بھی تو عَلمدار بھی تو سپاہ و سالار تو
معرکہِ حق و باطل میں سدا کامیاب تو

نعمت بھی تو رحمت بھی تو عطا و انعام تو
دعائے ابراہیم کا مستجاب تو

گل بھی تو خوشبو بھی تو چمن و بہار تو
کانٹوں سے پاک دامن جسکا وہ گلاب تو

حُسن بھی تو حسین بھی تو جلوہ و حجاب تو
چشمِ عرفانِ قلب کا جمالِ بے نقاب تو

ساقی بھی تو ساغر بھی تو مہ کدہ و شراب تو
ذوقِ عشقِ قلندر کا اضطراب تو

الفت بھی تو چاہت بھی تو عشق و جنون تو
زدِ زبانِ قدرت درودِ بے حساب تو