[ticfarentibia]

பசங்க படத்துக்கு 4 தேசிய விருதுகள்!
புதுடெல்லி, செப்.15,2010
சினிமா ஆர்வலர்களின் பாராட்டுகளை வென்றதோடு, வர்த்தக ரீதியிலும் குறிப்பிடத்தக்க வெற்றியடைந்த'பசங்க' திரைப்படம், 4 தேசிய விருதுகளைப் பெற்றுள்ளது.

பாண்டிராஜ் இயக்கிய 'பசங்க' திரைப்படம், பிராந்திய மொழிகள் பிரிவில், சிறந்த தமிழ்ப் படத்துக்கான தேசிய விருதைத் தட்டிச் சென்றுள்ளது.

57-வது தேசிய விருதுகள் இன்று அறிவிக்கப்பட்டன.

அதில், 'பசங்க' திரைப்படம், சிறந்த தமிழ்ப் படத்துக்கான தேசிய விருதைப் பெறுவதாக அறிவிக்கப்பட்டது.

பாண்டிராஜுக்கு விருது...

சிறந்த உரையாடல் ஆசிரியருக்கான தேசிய விருதை, பசங்க படத்துக்காக அதன் இயக்குனர் பாண்டிராஜ் பெருகிறார்.

'இருவருக்கு' விருது!

பசங்க படத்தில் அன்புக்கரசு வெள்ளைச்சாமியாக நடிதத கிஷோர் மற்றும் ஜீவா நித்தியானந்தம் சொக்கலிங்கமாக நடித்த ஸ்ரீ ராம் ஆகிய இருவருக்கும் சிறந்த குழந்தை நட்சத்திரத்துக்கான தேசிய விருது கிடைத்துள்ளது.