[GfBTWMmV]

திரு. காகா இராதாகிருஷ்ணன் அவர்களின் மறைவு

திரு. காகா இராதாகிருஷ்ணன் அவர்களை நினைக்கின்ற போது எனக்கு ஒரு நிகழ்வு நினைவுக்கு வரும். நான் இது பற்றி பல கூட்டங்களில் பேசியிருக்கிறேன். அதாவது நடிகர் திலகம் அவர்களுக்கு ஒரு ஒன்பது அல்லது பத்து வயது இருக்கும் போது, நடிகர் திலகம் அவர்களும், காகா அவர்களும் பயணசீட்டு இல்லாமல் பயணம் செய்ததற்காக மதுரை இரயில்வே ஸ்டேஷனில் பிடித்து அமர வைக்கப்பட்டார்கள். அப்போது நடிகர் திலகம் அவர்கள் காகா விடம், டேய் இராதா! எனக்கு ரொம்ப அவனாமா இருக்குடா! ஒரு நாள் இல்ல ஒரு நாள் நீ வேணுன்னா பாரு.. நான் பெரிய ஆளாகி காட்றேன்டா என்று அழுது கொண்டே கூறியிருக்கிறார். எந்த கணேசன் பயணசீட்டு இல்லாமல் பிரயானம் செய்ததற்காக பிடித்து வைக்கப்பட்டாரோ, அவரே பின்னாளில் நடிகர் திலகமாக மாறி 1962ல் அமெரிக்க அரசின் அழைப்பின் பேரில், தனி விமானத்தில் அமெரிக்காவுக்கு பிரயானம் செய்தார் என்று சுய முன்னேற்ற கூட்டங்களில் அனேக முறை பேசியிருக்கிறேன். அப்போதெல்லாம் திரு. காகா அவர்களை பல முறை நினைவு கூர்ந்திருக்கிறேன். அவரை இழந்து வாடும் அவரது குடும்பத்தாருக்கு என் ஆழ்ந்த இரங்களை தெரிவித்துக் கொள்கிறேன்.

நட்புடன்