[LottiFurmann]

மீண்டும் வள்ளுவம்!

இனிய சொற்கள்

இனிய சொற்கள் பேசுவதே அறமென, வள்ளுவர்
இனிதே எடுத்துரைக்கின்றார், தம் திருக்குறளில்.

மாசில்லா மனதில்தான் அன்பும் மலரும்; அதுவே
மாசில்லா இன்சொற்களைப் பேசவும் வைக்கும்.

'முகத்தான் அமர்ந்தினிது நோக்கி அகத்தானாம்
இன்சொ லினதே அறம்', என்ற இரு வரிகளில்,

நம் முகம் மலர்ந்து நோக்கி, இனிய சொற்களை
நம் அகம் மலரக் கூறுவதே அறம், என்கின்றார்!

. . .